González Vázquez denuncia o “desprezo” do Goberno local aos membros da oposición como parte da estratexia política dirixida polos “fracasados do PSOE”

• O voceiro local dos populares lamenta “as malas formas” do equipo de Goberno no seu trato coa oposición
• O PP cree que “a Illa estase a converter no Valle dos Caídos de altos cargos fracasados do PSOE, que veñen fotografarse á Illa para volver a coller impulso e, de paso, dar instruccións aos seus dirixentes locais”
• Lémbralle ao rexedor local que “estratexia da crispación e do enfrontamento é un grave erro, porque a política local ten que estar orientada ao entendemento”

A Illa de Arousa, 5 de xaneiro de 2010. – O voceiro do PP de A Illa, Juan José González Vázquez, denunciou hoxe o “desprezo” do Goberno local polos membros da oposición que, recordou, “representamos a unha boa parte dos veciños e veciñas deste municipio e que somos ignorados e ninguneados unha e outra vez polo equipo de Goberno”.

Trátase, asegura o voceiro popular, dunha “estratexia socialista” promovida polos “fracasados do PSOE, que seguen a desembarcar constantemente na Illa –que parece que se está a converter no Valle dos Caídos dos altos cargos socialistas– para volver a coller impulso e, de paso, tratar de dirixir a estratexia política local”.

“”Da a sensación de que todos aqueles cargos socialistas que fracasaron e que, despois de prometer e prometer, deixaron á Illa na estacada, sen cumprir ningunha das súas promesas –asegura González Vázquez– veñen agora a dar instruccións aos dirixentes locais co único de promover o illamento da oposición e xerar un clima de crispación entre os veciños e en contra das administracións gobernadas polo PP”.