O Borralliño acollerá a I Romaría Popular do PP de Salceda de Caselas e Gandarío o campamento de verán de Novas Xeracións

• A I Romaría Popular celebrarase o 8 de agosto e o campamento os días 14 e 15

Salceda de Caselas, 24 de xullo de 2010.- No seu compromiso de ofrecer actividades lúdicas e culturais nas que poidan participar todos os veciños de Salceda de Caselas, o Partido Popular está a organizar para o mes de agosto a primeira romaría e un campamento de verán para os máis mozos.

O domingo, día 8 de agosto, nunha paraxe natural como é a área recreativa do Borralliño, na parroquia de Soutelo, os populares salcedense poderán disfrutar dunha xornada de confraternidade na I Romaría Popular. A festa dará comezo ás 12.30 horas con música, humor, xogos populares, sorteos e moitas máis sorpresas. O xantar estará composto por polbo, carne ao caldeiro, poste, café, pan e bebida. O custe do menú será de 15 euros por persoa; aqueles interesados deben chamar ao teléfono 606 859 285.

Por outra parte, Novas Xeracións de Salceda de Caselas organiza os días 14 e 15 de agosto un campamento de verán no albergue de Gandarío, en Bergondo, A Coruña. Os mozos e mozas interesadas en participar nesta actividade poden informarse máis polo miúdo no teléfono 659 032 808.