A nova sede do PP de Salceda de Caselas acolle a visita do presidente provincial

• Os populares acompañaron a Rafael Louzán ao campo de Penedo Redondo e á sinatura dun convenio coa Asociación de Veciños Caselas para a construción dun centro cultural

Salceda de Caselas, 28 de xullo de 2010.- Á falta dunhas semanas para estar rematada e ser oficialmente inaugurada, a sede do Partido Popular de Salceda de Caselas, sita na rúa Mártires de Sobredo, recibiu na noitiña de onte luns a visita do presidente do PP provincial, Rafael Louzán. Acompañado de Santiago Rodríguez Davila e demais concelleiros populares e membros do Comité Executivo, Louzán comprobou de primeira man o avanzado das obras e deste novo paso na andaina do PP salcedense, “un proxecto centrado nun obxectivo único: acadar o Goberno local, apoiados baixo o lema xuntos é posible”, sinala Rodríguez Davila.