Nesta web as cookies son utilizados para fins estatísticos para optimizar a función e, así, proporcionar contidos adaptados aos seus intereses. Se preme "continuar" , concordas con estas condicións. Máis información.

Populares de Pontevedra

Populares de Pontevedra

  • O BNG de Lores obriga aos pontevedreses a acudir ao Xulgado para poder recuperar os cartos das Plusvalías

    • Os populares lamentan a actitude intransixente do Goberno do BNG. “Fan que moitas familias con escasos recursos desisten de solicitar a devolución deste imposto
    • #EncontroNoLérez. Conde explicará en Pontevedra as vantaxes da Lei de Fomento da Implantación de Iniciativas Empresariais

     

    Pontevedra 28, outubro, 2017.- Os populares denuncian “a actitude intransixente do Goberno de Lores” con respecto ás Plusvalías, “están a obrigar aos veciños de Pontevedra a acudir ao Xulgado para que se lle devolvan os cartos cobrados indebidamente”, apuntou este sábado o portavoz municipal, Jacobo Moreira.

    “Dita actitude está a facer que moitos pontevedreses con escasos recursos, desistan de solicitar a devolución deste imposto, un feito que, sen dúbida algunha, beneficia ao Concello, pero prexudica aos nosos veciños”, recalcou o edil popular.

    “O BNG de Lores tivo a oportunidade de poñerse a carón dos veciños, pero preferiu ser desleal cos pontevedreses”, apuntou Moreira, quen lembrou a proposta realizada polo seu Grupo no Pleno do pasado mes setembro, na que pedían a posta en marcha de mecanismos que permitisen informar e proceder á devolución das plusvalías cobradas a los veciños de Pontevedra indebidamente. Tamén solicitaban que, mentres non se proceda á modificación da normativa, o Concello suspendese o cobro deste imposto, cando quede acreditada a perda patrimonial. “O Goberno de Lores opúxose”, lamentou o portavoz popular, “a pesar de que corresponde aos Concellos a devolución deste imposto”.

    Os populares lembran ademais que “cada día que pasa resta en contra dos nosos veciños” xa que o dereito a percibir a plusvalía cobrada indebidamente se extingue aos catro anos. “Ao Goberno de Lores non lle interesa axudar aos pontevedreses afectados”, lamentou Jacobo Moreira, quen lembrou que dende o ano 2013 se liquidaron no Concello 12.741 declaracións de plusvalías, “e previsiblemente un 50% podería estar afectado”, sentenciou.

    Conde explicará as vantaxes da Lei de Fomento da Implantación de Iniciativas Empresariais en Pontevedra.

    O Partido Popular de Pontevedra inaugura este luns “Encontros no Lérez”. Esta primeira edición do ciclo e charlas informativas contará coa presenza do Conselleiro de Economía, Emprego e Industria, Francisco Conde, que presentará a Lei de Fomento da Implantación de Iniciativas Empresariais, vixente dende este xoves 26 de outubro, baixo o título “Un novo impulso para a competitividade de Galicia” .

    Co obxectivo de dar a coñecer as medidas que introduce esta nova normativa, os populares convidan a todos os pontevedreses a participar neste acto, que terá lugar este luns, 30 de outubro, ás 19h. na sala de conferencias de Afundación en Pontevedra (Rúa Augusto González Besada nº2, 4ª planta). 

Add comment


Security code
Refresh