Rafael Louzán Abal

Nacido o 21 de novembro de 1967 en Ribadumia (Pontevedra), está casado e ten dous fillos.

Funcionario do Concello de Ribadumia, compaxinou esta labor coa súa actividade empresarial.

En 1995 entra a formar parte da candidatura do PP ás eleccións municipais e, tras obter esta formación a maioría absoluta, é nomeado tenente de Alcalde do Concello de Ribadumia.

Ese mesmo ano, toma posesión como deputado provincial en representación da Comarca do Salnés e un ano máis tarde, en 1996, é nomeado vicepresidente da Deputación Provincial de Pontevedra.

En 1998 é designado secretario de Organización do PP Provincial en Pontevedra.

En 2000 resulta, no XII Congreso Provincial do PP, resulta elixido presidente provincial do Partido Popular en Pontevedra, e entra a formar parte do Comité Executivo do PPdeG e da Directiva Nacional do Partido Popular.

En 2002 foi reelixido presidente provincial do PP, cargo que revalida en 2004 e en 2009, cando, por cuarta vez consecutiva, resulta reelixido presidente provincial do PP en Pontevedra co apoio de preto do 98% dos compromisarios participantes no XV Congreso do PP.

O 12 de xullo de 2003 asume o cargo de presidente da Deputación Provincial de Pontevedra, cargo que repite en 2007 e en 2011, converténdose así no primeiro presidente da institución provincial que repite no cargo por terceira vez consecutiva.

José Manuel Figueroa Vila

Nacido en 1963, sumouse á carreira política en 1987, cando entrou a formar parte das listas do PP ao Concello de Vigo, onde accede á Corporación Municipal como concelleiro, cargo que revalida nas posteriores convocatorias electorais ata a actualidade.

Entre 1992 e 1995 foi Asesor da Secretaría Xeral de Deportes da Xunta de Galicia.

Entre 1995 e 1999 foi concelleiro de Deportes, Comercio e Turismo.

Entre 2001 e 2003 exerceu como voceiro do Grupo Municipal Popular no Concello de Vigo.

Desde 2003 a 2007 foi primeiro tenente de Alcalde, edil de Urbanismo e Medioambiente e voceiro do Goberno Municipal.

Actualmente é vicepresidente da Deputación de Pontevedra e presidente do Patronato de Turismo Rías Baixas, ademais de voceiro do Grupo Municipal Popular no Concello de Vigo.

Tras varios anos como secretario xeral do Partido Popular de Vigo, o 17 de setembro de 2011 foi elixido presidente desta formación. É, ademais, vicepresidente provincial do Partido Popular de Pontevedra e vicesecretario xeral do PPdeG.

Begoña Estévez Bernárdez

Nacida en 1969 en Marín, é secretaria xeral do PP provincial de Pontevedra e deputada provincial.

Licenciada en Dereito pola Universidade Complutense de Madrid. Centro de Estudios Universidad San Pablo CEU (1987-1992).

Posúe unha ampla formación en Dirección e Organización de Recursos Humanos, entre a que figura un máster e a diplomatura pola Escola de Negocios Caixavigo.

Técnico de Administración Xeral e funcionaria de carreira da Deputación Provincial de Pontevedra desde 1994, desenvolveu a súa labor no Servizo de RRHH do Complexo Hospitalario de Pontevedra.

Entre 2003 e 2006 realizou funcións de Técnico de Administración Xeral na Unidade de Contratación Administrativa do Complexo Hospitalario de Pontevedra.

Desde o 1 de febreiro de 2008 ata xuño de 2011, desempeñou funcións de Adxunto ao xefe de Servizo de Recursos Humanos e Formación da Deputación Provincial de Pontevedra.

Desde novembro de 2009 é secretaria xeral do PP provincial de Pontevedra.

Tomou posesión como deputada provincial en xuño de 2011.

María Ruth Aguiar Couto

 

Nacida o 04 de setembro do 1976, en Foz, Lugo, é licenciada en Medicina e Cirurxía pola Universidade de Santiago de Compostela. Especialista en Obstetricia e Xinecoloxía, Máster en Senoloxía e Patoloxía Mamaria e Máster en Medicina Deportiva.

Exerce a súa actividade profesional como xinecóloga no Complexo Hospitalario de Pontevedra e no Hospital Miguel Domínguez.

Médico do Pontevedra Rugby Clube.

Membro do comité executivo do PP como responsable da área de Sanidade.

Julio Alen Montes

Julio Alén Montes naceu o 12 de febreiro de 1966.

Licenciado en Filosofía pola Facultade de Filosofía e Ciencias da Educación da Universidade de Santiago de Compostela, completou a súa formación coa realización de numerosos cursos en ámbitos como a economía, a informática, a socioloxía ou o protocolo, entre outros moitos.

En 1992, tras rematar a súa carreira universitaria, comezou a exercer como profesor de secundaria en diversos institutos e centros de ensino tanto públicos como privados, exercendo esta actividade ata o ano 2002.

A súa carreira política iniciouna en 1999, formando parte das listas do Partido Popular de Mondariz como número 2, o que lle permitiu acceder ó cargo de concelleiro e tenente de alcalde, posto que desempeñou ata 2003, cando se convertiu en alcalde da localidade, tras gañar por maioría absoluta unhas eleccións ás que se presentaba como número 1 do PP.

En 2007 e 2011 volveu presentarse á alcaldía, obtendo de novo unha maioría abtoluta.

Laura Alonso Gómez

Nacida o 4 de abril de 1979 en Vigo, é licenciada en Pedagoxía pola Universidade Nacional de Educación a Distancia e licenciada en Filosofía pola Universidade de Santiago de Compostela.

Titulada en Solfeo e grado elemental de Piano polo Conservatorio Mayeusis; Vigo.

Foi presidenta de Novas Xeracións de Redondela desde 2006 ata 2011, e secretaria de Muller de NNXX de Galicia en 2006.

En 2007 integrouse nas listas do PP á alcaldía de Redondela, e resultou elixida concelleira.

No Congreso Provincial do PP en 2009 foi designada membro do Comité Executivo desta formación.

Silvestre José Balseiro Guinarte

Nacido o 10 de novembro de 1961 en Cerdedo. Casado.

Administrativo comercial na rama de Administración Xeral.

Diplomado en Lingua Administrativa e Xurídica Galega

Técnico Informático.

Funcionario

Formou parte das listas do PP ás eleccións municipais en Cerdedo en 2003, exercendo como tenente de alcalde entre 2003 e 2005.

En 2005 accede á alcaldía, en substitución de José Luis Jorge Caramés.

En 2007 encabeza a lista do PP, resultando elixido alcalde con maioría absoluta. En 2011 repite encabezando a candidatura do PP á alcaldía de Cerdedo, obtendo unha nova maioría absoluta.

Pablo Baquero Álvarez

 

Nacido no Rosal  en 1973, cursou estudos de Graduado Social e Empresariais.

Exerceu como asesor fiscal ata o ano 2007 nunha xestoría de Tomiño e desde 2007 ata o 2011 foi concelleiro de Sanidade  e Benestar Social no goberno local deste municipio.

En 2011 entra a formar parte das listas do PP á alcaldía de Tomiño como número dous dunha candidatura encabezada por Roberto Martínez.

Na actualidade é concelleiro e  voceiro do PP de Tomiño e deputado provincial.

Javier Bas Corugeira

Nacido o 13 de marzo de 1963, é  licenciado en Ciencias Empresariais.

Presidente local do PP de Redondela desde 2010, encabezou a candidatura popular á alcaldía deste concello nos comicios municipais de 2011. Foi investido alcalde desta localidade o 11 de xuño dese ano, tras ser a forza maioritaria nas eleccións locais.

Desenvolveu a súa labor profesional como economista e profesional de banca, sendo director da oficina de Caixa Galicia en Redondela e Coordinador de Área.

Exerceu tamén como profesor de informática no Instituto de Formación Profesional de Teis. 

Juan Manuel Batista Oviedo

 

Nacido o 13 de maio de 1959, está casado e ten dous fillos.

Licenciado en Medicina e Cirurxía pola universidade de USC, posúe un máster en Urxencias.

Batista Oviedo iniciou a súa carreira profesional 1988 como médico de Atención Primaria en diversas localidades do rural.

En 1989 incorporouse ao cadro de persoal do Hospital Xeral-Cíes, onde traballa desde aquel entón no servizo de Urxencias.

Incorporouse á política activa como candidato á alcaldía de Fornelos de Montes en 2011. É voceiro do grupo municipal popular neste concello.

José María Bello Maneiro

 

Nacido en Cordeiro, Valga, o 2 de maio de 1949, é alcalde desta localidade desde 1991.

Tras exercer como contable en diversas empresas privadas, Bello Maneiro incorpórase á política activa en 1983, cando se presenta ás eleccións formando parte da lista de Alianza Popular, partido co que entra no goberno local como tenente de alcalde, cargo que exerce ata 1995.

En 1995, tras gañar as eleccións, convértese en alcalde de Valga, cargo que revalida en todos os comicios.

En 1999, tras ser reelixido alcalde, asume tamén a Peresidencia da Mancomunidade Ulla-Umia, cargo que desempeña ata 2007.

En 1999 entra tamén a formar parte da Federación Española de Municipios e Provincias como vocal da Comisión de Facendas Locais.

Tras gañar novamente as eleccións en 2011 e formar goberno en Valga, o 24 de xuño asume o cargo de deputado provincial polo partido xudicial de Pontevedra.

Adolfo Campos Panadeiro

 

Naceu en Dozón en 1934, é empresario e alcalde de Dozón.

Inicia a súa carreira política nas eleccións municipais de 1979 como concelleiro de UCD en Lalín. En 1983 preséntase como cabeza de lista do Partido Galeguista á alcaldía de Dozón e en 1987 é proclamado alcalde ao encabezar a lista de Independentes de Dozón.

En 1991 preséntase á reeleción como cabeza de lista do PP e obtén unha maioría absoluta  que repite nas restantes convocatorias electorais.

Jorge Canda Martínez

 

Naceu na Lama en 1956.

Comeza a súa carreira política en 1999, encabezando como independente a candidatura do PSdeG-PSOE, obtendo a maioría absoluta e sendo elixido alcalde.

En 2002 formaliza o seu ingreso no Partido Popular e en 2003 preséntase á reelección como cabeza de lista do PP, obtendo novamente unha maioría absoluta que repite nas seguintes convocatorias electorais.