Os nosos representantes nas instituciónsConcellosAs eleccións municipais do 22 de maio de 2011 permitiron ao PP incrementar notablemente a súa representación nos concellos da provincia, pasando dos 425 concelleiros acadados en 2007 aos 476 da actualidade. Ademais, o Partido Popular, que obtivo representación nos 62 concellos da provincia, foi a forza maioritaria en 52 municipios e puido formar goberno en 47. Así as cousas, o PP goberna na actualidade en 36 concellos con maioría absoluta e noutros 11 con pactos de goberno ou con maioría simple. A máxima representación do PP nos concellos da provincia corresponde aos rexedores municipais nos concellos nos que gobernamos e os voceiros do Grupo Popular naqueles onde estamos na oposición. Deputación Provincial Como forza máis votada da provincia, o PP gañouse a Presidencia da Deputación, na que conta cun total de 17 deputados, dos 27 que compoñen a corporación provincial. Parlamento de GaliciaO Parlamento de Galicia é o máximo órgano de representación do pobo galego e constitúe a primeira das institucións da Comunidade Autónoma da que derivan todas as outras. Dos 22 deputados autonómicos que se elixen na provincia de Pontevedra para a constitución deste órgano, o PP obtivo 11 nos últimos comicios, celebrados o 1 de marzo de 2009. Congreso dos DeputadosO Congreso dos Deputados é, xunto co Senado, unha das cámaras que compoñen as Cortes Xerais do Estado, que representan ao pobo español e exercen a potestade lexislativa do Estado, aproban os seus orzamentos e controlan a acción do Goberno. O Congreso componse dun mínimo de 300 e un máximo de 400 Deputados elixidos por sufraxio universal, libre, igual directo e secreto. Na provincia de Pontevedra, o PP obtivo tres deputados. Senado O Senado é a Cámara de representación territorial das Cortes Xerais e o PP provincial ten 2 representantes nesta cámara. Parlamento Europeo O Parlamento Europeo ou Eurocámara é a institución que representa directamente aos cidadáns da Unión Europea. As eleccións ao Parlamento Europeo celébranse cada 5 anos. Os últimos comicios tiveron lugar en xuño de 2009. |
- Partido Popular Pontevedra Reina Victoria, 9 - 2º, 36001 PONTEVEDRA
- 986 84 00 00
- Síguenos en:
