María Dolores Pan Vázquez

Nacida en A Coruña, está casada e ten tres fillas.

Licenciada en Medicina e Cirurxía. Médico.

Foi Delegada Provincial da Consellería de Sanidade da Xunta de Galicia. Directora Xeral de Servizos Sociais.

Directora do Gabinete da Ministra de Sanidade

Senadora por Pontevedra dende o 9 de marzo de 2008.

María Elvira Larriba Leira

Nacida o 15 de decembro de 1961 en Madrid.

É licenciada en Xeografía e Historia pola Universidade de Santiago de Compostela.

Realizou os cursos de postgrado na Universidade Complutense de Madrid.

Master en documentación e ciclos de especialización en arte, museos, patrimonio histórico, xestión cultural e coordinación editorial.

Deu conferencias, impartiu docencia e dirixiu cursos organizados por universidades, institucións públicas e asociacións culturais.

Desenvolveu a súa labor profesional na Consellería de Cultura da Xunta de Galicia (1990-2000). Como técnico de museos e documentalista coordinou programas culturais e exerceu como comisaria de exposicións en diversos museos galegos e, desde 2004 a 2007, no Museo Municipal de Vigo Quiñones de León.

Foi concelleira do grupo municipal do Partido Popular de Vigo con dedicación exclusiva, ocupándose das áreas de Patrimonio, Cultura e Educación e formando parte dos Patronatos dos museos e organismos educativos dependentes do Concello.

No Partido Popular de Vigo forma parte da Xunta Directiva como Vicesecretaria de Acción Social.

En 2011 entrou a formar parte das listas do PP ao Senado, resultando elixida senadora.

José Luis Rivera Mallo

 

Naceu en Carril (Vilagarcía) o 5 de setembro de 1936.

Iniciou estudios de Dereito na Universidade de Santiago e realizou diversos cursos en materia fiscal e laboral.

Foi directivo en empresas relacionadas co sector da construción, prefabricados, industrias químicas e hostalería.

Concelleiro de Vilagarcía desde 1979, foi alcalde deste concello de 1983 a 1991.

Foi senador na 4ª e 5ª lexislatura. (1989-1996).

Presidente da autoridade Portuaria de Vilagarcía desde outubro do 96 a abril do 98 e presidente do Consorcio de FexdeGa.

Presidente da Mancomunidade de municipios. (1983-1991)

En 2011 formou parte da lista do PP ao Senado, resultando elixido senador.